Siunertaq
Ilinniartitaanermut
Aqutsisoqarfimmit Karakterdatabasemi tamanut ammasunngorlugu Meeqqat
Atuarfianni alloriarfinni misilitsinnerit inernerit
saqqummiunneqareernikuupput. Meeqqat atuarfianniit alloriarfinni
misilitsinnerit Kisitsisaataasivimmut tamanut saqqummiunneqarnissaanut
siunertaavoq, nalunaarsuutit oqinnerusumik atoruminarnerusumillu tamanut
ammasunngortinneqarnissaat.
Karakteerit
kisitsisaataasivimmiilernerat pissutaalluni ajornannginnerusumik
misilitsinnerit inernerisa ineriartorneranut aammalu assersuutigalugu
atuarfimmiit atuarfimmut sanilliussisoqarsinnaalerpoq.
Nalunaarsuutit
tunngaviusut
Meeqqat
atuarfianiit alloriarfinni misilitsinnerit inerneri Ilinniartitaanermut
Aqutsisoqarfiup karakterdatabaseaniit tiguneqarput, naatsorsuinermi
atorneqarlutik. Karakterdatabasep imarai meeqqat atuarfiani 3. klassimi
alloriarfimmi kalaallisut, qallunaattut imaluunniit matematikkimi
misilitsissimasut, 7 klassimi alloriarfimmi kalaallisut, qallunaattut, tuluttut
imaluunniit matematikkimi misilitsissimasut. Atuartut alloriarfimmi
misilitsissimanngitsut ilanngunneqanngillat.
Periaaseq
Alloriarfinni
misilitsinnerni nalunaarsuutinut atuartunut paasissutissat tamarmik atuartunut
ataasiakkaanut tunngasuupput. Nalunaarsuutinut makku ilaapput:
· Inuup normua
· Atuarfik
· Klasse alloriarfik
· Klassip aqqa
· Fage misilitsiffik
· Misilitsinnermi ilisarnaat (TestID)
· Akissutinut ilisarnaat (SvarID)
· Ukioq
Alloriarfinni
misilitsinnerit nalunaarsorsimaffiat tatiginartuuvoq, taamaammat inuup normui
atorsinnaanngitsut peerneqarput. Inuit marlunnik nalunaarneqarsimanersut
misissoqqissaarneqarput, inuup normua fagini assigiinngitsuni misilitsinnernut
ataasiaannarluni nalunaarutigineqarluni. Atuarfiit marluk imaluunniit klassit
marluk tunngavigalugit nalunaarsuisoqarsimappat arlaat peerneqassaaq.
Inerniliinerit kukkuneqanngitsut (pct.-it eqqortut) atorneqartarput atuartoq
marloriarluni alloriarfinni misilitsissimatillugu,
Atuartut akissutaat 0 pct.-imiittoq atorneqartarpoq, tassani inerniliillaqqissuseq 0 pct.-imik (eqqortumik akisat pct.-inngorlugit) nalunaarutigineqartarpoq, taamaalilluni tamakkiisumik inerniliinermut ilanngunneqartarluni.
Naatsorsuineq
Inerniliillaqqissuseq (eqqortumik akisat pct.-inngorlugit) eqqortumik akissutit amerlassusaat/ suliassat amerlassusaannik naatsorsorneqartarpoq.
Kisitsisitigut paasissutissiornermi alloriarfinni misilitsinnerni inerniliillaqqissutsit kisinneqassapput ukununngalu immikkoortinneqassallutik; kommunenut, atuarfinnut, klassenut aamma suiaassusermut ukiunullu. Misilitsinnerit sisamat ataakaanngassuk inerniliillaqqissuseq (eqqortumik akisat pct.-inngorlugit) saqqummersinneqarneq ajorput.
Killiliineq
paasissutissiornermilu ajornartorsiutit
Meeqqat atuarfianni alloriarfinni misilitsinnerit sanilliunneranni atuartut ikittuusinnaaneri eqqarsaatigineqassapput, kisitsisinik paasissutissiornermi ikittunik sammisaqarnermi annikitsuinnarmik nikittoqarsimagaangat inernerinut sunniutaa annertusarpoq, taamaasilluni ukiumiit ukiumut nikinganeri annertusinnaasarlutik.